اسلام آباد(نیوز ڈیسک) کرکٹ ورلڈ کپ 2015ءکے اختتام کے ساتھ ہی آسٹریلوی کپتان مائیکل کلارک کا انٹرنیشنل کیرئیر بھی اختتام پذیر ہو گیا۔ اتوار کے روز 2015ءکے فائنل میچ میں آسٹریلوی ٹیم کے کپتان نے شاندار کارکردگی پیش کر کے اپنی ریٹائرمنٹ کو یادگار بنا لیا ہے۔ واضح رہے کہ مائیکل کلارک نے آسٹریلیا کی طرف سے 245 ونڈے انٹرنیشنل میچ میں حصہ لیا جس میں انہوں نے 58 نصف سنچریاں اور 8 سنچریاں کی ہیں۔ مائیکل کلارک نے 71 ون ڈے کرکٹ کے میچز میں آسٹریلوی ٹیم کی قیادت کی اور انکی سربراہی میں آسٹریلیا نے 50 میچوں میں جیت حاصل کی۔