ممبئی(نیوز ڈیسک) پاکستان اور بنگلہ دیش کے شائقین نے بھارتی کرکٹ بورڈ کے ہیڈ کوارٹر فون کرکے ’موقع موقع‘ گا کر ان کا مذاق اڑایا۔ایک رپورٹ کے مطابق آسٹریلیا سے بھارتی ٹیم کی سیمی فائنل میں شکست کے بعد پاکستان اور بنگلہ دیش سے شائقین کی 200 کے قریب فون کالز بی سی سی آئی ہیڈ کوارٹر میں موصول ہوئیں، جس میں دوسری جانب سے ’موقع موقع‘ اشتہارگایاجاتا رہا۔شائقین نے استفسار بھی کیا کہ ’موقع کا کیا ہوا‘۔ ایک عہدیدار کا کہنا ہے کہ ہماری آفیشل ویب سائٹ پر ہیڈ کوارٹر کا فون نمبر موجود ہے اور اسی پر یہ کالز کی گئی ہیں۔