اسلام آباد (مانیٹرنگ ڈیسک) بھارت کے خلاف چیمپیئنز ٹرافی جیتنے کے بعد پاکستانی کھلاڑیوں پر ابھی تک انعامات کی بارش ہو رہی ہے، انہیں ہر طرف سے تحفے تحائف مل رہے ہیں، تمام کھلاڑیوں کے ساتھ شاداب کی قسمت بھی ان پر مہربان ہے انہیں تحفے میں ایک لگژری گاڑی دی گئی ہے یہ گاڑی انہیں اسلام آباد کے ایک کار ڈیلر نے یوراج سنگھ کو آؤٹ کرنے کے عوض دی ہے، فیس بک

پر وہ تحفے میں دی گئی اپنی ہنڈا گاڑی کے ساتھ کھڑے نظر آ رہے ہیں اور بے حد مسرور بھی ہیں، شاداب کی گاڑی کا نمبر بھی ان کے لیے تحفے سے کم نہیں، اس گاڑی کی نمبر پلیٹ پر ’’شاداب خان 1‘‘ درج ہے جو یقیناً ایک نایاب نمبر ہے۔ یہ شاداب خان کی نہ صرف فائنل بلکہ پورے ٹورنامنٹ میں اچھی کارکردگی کا نتیجہ ہے۔ ان کی اپنی گاڑی کے ساتھ سیلفی نے فیس بک پر دھوم مچا رکھی ہے۔