انتالیا(این این آئی) پاکستان کے ٹینس اسٹار اعصام الحق نے انتالیا اوپن میں ڈبلز ٹائٹل اپنے نام کر لیا۔اعصام اور رابرٹ نے شروع سے ہی جارحانہ کھیل پیش کیا اور پہلے سیٹ میں 5۔7 سے کامیابی حاصل کی۔ دوسرے سیٹ میں ان کو 1۔4 سے برتری حاصل تھی کہ حریف جوڑی ریٹائر ہرٹ ہو گئی جس پر انہیں ایونٹ کا فاتح قرار دیا گیا۔

قبل ازیں سیمی فائنل میں انہوں نے کروشیا کے نکولا میکٹک اور اسرائیل کے جوناتھن ایرلک کو 1۔2 سے شکست دی تھی، کوارٹر فائنل میں اعصام اور رابرٹ کی ٹاپ سیڈ جوڑی نے امریکہ کے نکولس مونرو اور نیوزی لینڈ کے آرٹم سیٹک کو 1۔2 جب کہ پہلے راؤنڈ میں اطالوی پاؤلو لورنزی اور برازیل کے ریگرو دوترا سلوا کی جوڑی کو 0۔2 سے مات دی تھی۔