سرگودہا،مری(آن لائن)لاہور سے پکنک منانے کے لئے مری جانے والا خاندان بھیرہ کے قریب حادثہ کا شکار۔پانچ افراد جاں بحق آٹھ افراد زخمی۔ مرنے والوں میں دو خواتین اور تین بچے شامل ہیں۔تفصیلات کے مطابق سبزہ زار لاہور کے رہائشی شوکت علی کی فیملی سیر کے لئے براستہ موٹر وے مری جا رہی تھی بدقسمت خاندان جب بھیرہ انٹرچینج کے قریب پہنچا تو پیچھے سے آنے والی تیز رفتار مزدہ گاڑی نے ٹکر ماردی جس
کے باعث کیری ڈبہ قلازیاں کھاتا ہوا موٹر وے سے نیچے جاگرا۔حادثہ کے نتیجے میں نورین سدرہ اور سدرہ کے تین بچے حمنا ہادیہ اور واصق موقع پر دم توڑ گئے جبکہ ساجد مصباح نعمان لائبہ فاطمہ قاسم افتخار اور علی رضا شدید زخمی ہو گئے جنہیں امدادی ٹیموں نے طبی امداد کے لئے بھیرہ ہسپتال منتقل کر دیا ہے۔
