کراچی(نیوز ڈیسک)اداکارہ نیلم منیر کی جانب سے تعریف کئے جانے کے بعد وکٹ کیپر سرفراز احمد کا کہنا ہے کہ انہوں (اداکارہ)نے بطور مداح میری تعریف کی تھی جس کے بعد میں نے کہا کہ وہ بھی اچھا پرفارم کرتی ہیں لیکن اس کے بعد اس بات کا خوب چرچا ہوااور اس بات کوبڑھا چڑھا کر پیش کیا گیا۔ایک ٹی وی انٹرویو میں ان کا کہنا تھا کہ انہوں نے پی کے فلم ورلڈ کپ سے قبل نہیں دیکھی تھی لیکن یہ فلم ورلڈ کپ کے دوران باقی ساتھی کھلاڑیوں کے ساتھ بیٹھ کر دیکھی۔ایک سوال کے جواب میں ان کا کہنا تھا کہ بھارتی اداکارﺅں میں انہیں کترینہ کیف اور جیکولین فرنینڈس پسند ہیں۔
یاد رہے کہ سرفراز کی جانب سے شاندار اننگز کھیلنے کے بعد نیلم منیر نے ان کی تعریف کی تھی جس کے بعد میڈیا میں اس بات کے خوب چرچے ہوئے تھے۔
