اسلام آباد(مانیٹرنگ ڈیسک) پاکستان نے ایرانی ڈرون طیارہ گرانے کی تصدیق کردی ۔ترجمان دفترخارجہ نے کہاکہ پنجگورکے علاقےمیں ایرانی ڈورن طیارہ بغیرشناخت کے پاکستانی حدودمیںپروازکررہاتھا جس کی وجہ سے مارگرایاگیا۔نجی ٹی وی کے مطابق ترجمان دفترخارجہ نے کہاکہ ایرانی ڈورون کوہمارے سیکورٹی اداروں نے مارگرایااوراس کے بارے میں ایران کوبھی باضابطہ طورپربتادیاہے .

واضح رہے کہ گزشتہ روز ایک ایرانی ڈرون طیارے کو پاکستان کے جے ایف 17طیارے نے پنجگور بلوچستان کے علاقے میں 4 کلو میٹراندر داخل ہونے پر مارگرایا،بتایاگیا ہے کہ پاک ایران تعلقات کی تاریخ میں اس نوعیت کا یہ پہلا واقعہ ہے ،واضح رہے کہ پاکستان اورایران کی 900کلو میٹر سرحد ہے ، اتوار کے روز ایرانی بارڈر سیکورٹی فورسز کی جانب سے پاکستانی علاقے میں مارٹر گولے بھی برسائے گئے تھے لیکن تاحال کسی قسم کے جانی نقصان کی اطلاعات موصول نہیں ہوئی ہیں،پاکستان نے اپنے علاقے میں ایرانی ڈرون طیارے کی دراندازی پرایران سے شدید احتجاج کیا ہے۔