اسلام آباد (مانیٹرنگ ڈیسک)چیمپئنز ٹرافی کی فاتح پاکستانی ٹیم میں شامل کھلاڑی وطن واپس پہنچنا شروع ہو چکے ہیں۔ کھلاڑیوں کے اہلخانہ اور عوام کی بڑی تعداد قومی ہیروز کے استقبال کیلئے ائیرپورٹ پہنچ رہے ہیں ۔ کھلاڑیوں کے استقبال کے دوران ایک انتہائی شرمناک واقعہ اس وقت پیش آیا جب چیمپئنز ٹرافی کے فائنل میں پاکستانی سکواڈ کا اہم حصہ بننے والے شاداب خان کے اہلخانہ ان کے استقبال کیلئے اسلام آباد ائیرپورٹ پہنچے تو انتظامیہ نے انہیں اندر
جانے سے روک دیا۔ شاداب اور عماد وسیم نے فائنل کے بعد وطن واپس آنے کیلئے اپنے ہوم ائیرپورٹ اسلام آباد کا انتخاب کیا تھا تاہم شاداب خان کے اہل خانہ کو بینظیر انٹرنیشنل ائیرپورٹ کی انتظامیہ نے راول لائونج میں داخل ہونے سے منع کر دیا۔ شاداب کے بھائی مہتاب نے انتظامیہ کو کئی مرتبہ بتایا بھی کہ وہ شاداب خان کے بھائی ہیں مگر انتظامیہ کے کان پر جوں تک نہیں رینگی اور شاداب کے اہلخانہ باہر ہی کھڑے رہ ان کا انتظار کرتے رہے۔
