اسلام آباد (آئی این  پی) پاکستان نے قطر میں پاکستانی فوجیوں کی تعیناتی کی خبروں کی تردید کرتے ہوئے کہا ہے کہ غیر ملکی میڈیا میں ایسی خبریں من گھڑت اور بے بنیاد ہیں‘ ایسی جھوٹی خبریں بدنیتی پر مبنی مہم کا حصہ ہیں‘ مہم کا مقصد پاکستان اور خلیج میں برادر اسلامی ملکوں کے درمیان غلط فہمیاں پیدا کرنا ہے۔  اتوار کو  اپنے بیان میں ترجمان دفتر خارجہ نے  قطر میں
پاکستانی فوجیوں کی تعیناتی کی خبروں کی تردید کرتے ہوئے  کہا کہ  غیر ملکی میڈیا میں ایسی خبریں من گھڑت اور بے بنیاد ہیں ایسی جھوٹی خبریں بدنیتی پر مبنی مہم کا حصہ ہیں۔ مہم کا مقصد پاکستان اور خلیج میں برادر اسلامی ملکوں کے درمیان غلط فہمیاں پیدا کرنا ہے۔

دریں اثنا قطر اورروس کے وزرائے خارجہ نے ملاقات کی ہے جس میں روس کی جانب سے اس امر پر زور دیا گیا کہ قطر اور اْس کے ہمسایہ عرب ممالک کے درمیان تنازعے کو بات چیت سے حل کیا جانا چاہیے۔،میڈیارپورٹس کے مطابق قطری وزیر خارجہ شیخ محمد بن عبدالرحمان الثانی جرمنی اور برسلز کے بعد دس جون ہفتے کے روز ماسکو میں تھے، جہاں اْنہوں نے اپنے روسی ہم منصب سیرگئی لاوروف سے ملاقات کی۔ دونوں وزرائے خارجہ کی اس ملاقات کے دوران روس کی جانب سے اس امر پر زور دیا گیا کہ قطر اور اْس کے عرب ممالک کے درمیان تنازعے کو بات چیت سے حل کیا جانا چاہیے۔لاوروف نے کہاکہ ہم ایک ایسی صورتِ حال پر خوش نہیں ہو سکتے، جب ہمارے ساتھی ممالک کے درمیان تعلقات خراب تر ہوتے جا رہے ہوں۔ ہم اس حق میں ہیں کہ تمام تر اختلافِ رائے کو مکالمت کے ذریعے دور کیا جائے۔‘‘ انہوں نے یہ بھی کہا کہ روس اس سلسلے میں ہر ممکن تعاون فراہم کرنے کے لیے تیار ہے۔اس موقع پر قطری وزیر خارجہ نے کہا کہ اْن کے اس دورے کا مقصد روس کو اس امر سے آگاہ کرنا ہے کہ قطر کے خلاف کیسے ’غیر قانونی ہتھکنڈے‘ اپنائے جا رہے ہیں،اختلافات کو ہمیشہ بات چیت ہی سے دور کیا جاتا ہے اور خلیجی تعاون کونسل اس مقصد کے لیے سب سے موزوں پلیٹ فارم ہے۔