نئی دہلی (آن لائن) بھارتی ریاست اترکھنڈ میں زائرین کو لے جانے والا ایک ہیلی کاپٹر پرواز کے دوران گر کر تباہ ہو گیا جس کے نتیجے میں عملے کا ایک شخص ہلاک جبکہ دو پائلٹ زخمی ہو گئے ۔ بھارتی خبررساں ادارے کے مطابق پولیس حکام نے بتایا کہ حادثہ ریاست کے پہاڑی قصبے بدربناتھ میں اس وقت پیش آیا جب آگسٹؑ ا 119 ہیلی کاپٹر ہیلی پیڈ سے پرواز کے دوران ہوا کے دباؤ میں کمی کے باعث غیر متوازن ہو کر گر کر تباہ ہو گیا
جس کے نتیجے میں سینئر انجینئر وکرم لامبا ہلاک اور دو پائلٹ زخمی ہو گئے تاہم ہیلی کاپٹر میں سوار پانچ زائرین بالکل محفوظ رہے زخمی پائلٹوں کو ہسپتال داخل کر دیا گیا جبکہ سول ایوی ایشن کے ڈائریکٹوریٹ جنرل نے حادثے کی وجوہات جاننے کیلئے تحقیقات کا حکم دے دیا ہے ۔