لاہور(مانیٹرنگ ڈیسک)ماہ رمضان اپنی تمام تر برکتوں کے ساتھ جاری ہے مگرپاکستانی عوام بجلی کی لوڈشیڈنگ کی وجہ سے مصیبت میں مبتلا ہیں اور سحر او افطار کے اوقات میں بھی ان کو اس مشکل کا سامنا کرنا پڑتا ہے۔اداکارہ میرا جو کہ آئے دنوں اپنے عجیب اور دلچسپ بیانات کی وجہ سے خبروں کی زینت بنی رہتی ہیں اور وہ مریم نواز پر لوڈشیڈنگ کے حوالے سے تنقید کرنے کا کوئی بھی موقع ہاتھ سے جانے نہیں دیتی ہیں،اداکارہ نے ایک مرتبہ پھر وزیراعظم کی صاحبزادی مریم نواز پر تنقید کے نشتر برساتے اور ’حملہ‘ کرتے ہوئے تمام تر توجہ اپنی طرف مرکوز کروا لی ہے۔
ہوا کچھ یوں کہ گزشتہ دنوں مریم نواز نے اپنے والد وزیراعظم میاں نواز شریف کے مختلف منصوبوں کی کامیابی کا ذکر کرتے ہوئے تصاویر جاری کیں،مگر اداکارہ میرا کو تو جیسے موقع مل گیا اپنی بات کہنے کا اور انہو ں نے مریم نواز کے اس ٹوئٹ کے جواب میں ٹوئٹ کرتے ہوئے وزیراعظم کی صاحبزادی سے سوال پوچھ ڈالا کہ ”میڈیم،ہم روزے رکھ رہے ہیں ۔بجلی کیوں نہیں آرہی؟“ میرا کے اس بیان سے یہ ظاہر ہوتا ہے کہ وہ ایسے موقعوں کو بھرپور فائدہ اٹھانا جانتی ہیں اور چپ رہنے والی نہیں ہیں۔
If ever Pakistan made headway against all odds, be it economy or security, it is & has been under one man …. Nawaz Sharif ?? pic.twitter.com/JjkGScCjJ1
— Maryam Nawaz Sharif (@MaryamNSharif) May 28, 2017
We are fasting, madam. Light kyun nhi arahi? #DHA #Lahore #Phase2 #shame https://t.co/fBtnRTGTqh
— Meera Irtaza (@TheMeeraJee) June 2, 2017
