اسلام آباد(مانیٹرنگ ڈیسک)یہ داستان ہے ایک ایسی ساس کی جس نے اپنی بہو کی عزت کی خاطر اپنے ہی شوہر کو موت کے گھاٹ اتار دیا۔ صوبہ خیبرپختونخواہ کے ضلع شانگلہ کے علاقے الپوری میں آج سے 9ماہ قبل ایک لڑکی بیاہ کر کے لائی گئی،

میاں ، بیوی اور بیٹے کے ہمراہ بہو ایک ہی گھر میں رہتے تھے۔ یکم مئی 2017کو ساس نے بہو کی مدد سے کلاشنکوف سے فائرنگ کر کے اپنے شوہر کو موت کے گھاٹ اتار دیا۔ پولیس کے مطابق قتل کے بعد ساس، بہو اور بیٹے کو گرفتار کر لیا گیا ۔ دوران تفتیش مقتول کی اہلیہ نے اس بات کا اعتراف کیا کہ اس کا شوہر بہو کو متعدد مرتبہ مبینہ طور پر زیادتی کا نشانہ بناچکا تھا۔مبینہ قاتل خاتون کے مطابق بیـٹے کی شادی کے بعداس کے شوہر نے اپنی بہو کو تنگ کرنا شروع کردیا تھا۔خاتون نے پولیس کو یہ بھی بتایا کہ اس کے شوہر نے اپنی بہو کو کئی مرتبہ زیادتی کا نشانہ بنایا جبکہ ماہ رمضان میں بھی اپنی حرکتوں سے باز نہ رہا۔خاتون نے بتایا کہ ‘انہوں نے بہو کو مسلسل زیادتی کا نشانہ بنانے کی پاداش میں اپنے شوہر کو قتل کرنے کا فیصلہ کیا۔اس کا کہنا تھا کہ یکم مئی 2017کی رات اس نے اپنی بہو کی مدد سے اپنے شوہر کو اُس وقت کلاشنکوف سے فائرنگ کرکے ہلاک کیا، جب وہ سو رہا تھا۔پولیس نے ملزمہ کے خلاف پاکستان پینل کوڈ کی دفعہ 302 کے تحت قتل کا مقدمہ درج کر لیا ہے۔