ایک رات حضور اکرمﷺ لوگوں کے ہاتھ معلوم کرنے کے لئے باہر نکلے تو ابوبکر رضی اللہ تعالیٰ عنہ کو دیکھا کہ وہ پست آواز میں نماز پڑھ رہے ہیں، پھر تھوڑی دیر کے بعد آنحضرتﷺ کی نظر عمر فاروق رضی اللہ تعالیٰ عنہ پر پڑی تو دیکھا کہ وہ بلند آواز سے نماز پڑھ رہے ہیں۔
بعدازاں جب وہ دونوں حضورﷺ کی خدمت میں حاضر ہوئے اور آپﷺ کے سامنے بیٹھ گئے تو آنحضورﷺ نے پوچھا اے ابوبکر رضی اللہ تعالیٰ عنہ! میرا گزر تیرے پاس سے ہوا تو میں نے دیکھا کہ تم بڑی پست آواز میں نماز پڑھ رہے تھے؟ ابوبکر صدیق رضی اللہ تعالیٰ عنہ نے عرض کیا یا رسول اللہﷺ! میں اس ذات کو سنا رہا تھا جس کے ساتھ میں سرگوشی کر رہا تھا، پھرآپﷺ نے حضرت عمر رضی اللہ تعالیٰ عنہ سے پوچھا، میرا گزر تیرے پاس سے ہوا تو تم بلند آواز سے نماز پڑھ رہے تھے؟حضرت عمر رضی اللہ تعالیٰ عنہ نے عرض کیا یا رسول اللہﷺ! میں سونے والے کو جگا رہا تھا اور شیطان کو بھگا رہا تھا۔ اس پر حضور اقدسﷺ نے خوشی کا اظہار کرتے ہوئے اور ان کو اعتدال کی تعلیم دیتے ہوئے فرمایا اے ابوبکر رضی اللہ تعالیٰ عنہ! تم اپنی آ واز کو بلند کرو اور اے عمر رضی اللہ تعالیٰ عنہ! تم اپنی آواز (قدرے) پست کرو۔
