اسلام آباد (آئی این پی)وزیراعظم کے ترجمان مصدق ملک نے ریاض میں ہونے والی عرب اسلامک امریکہ کانفرنس میں وزیراعظم کو بولنے کا موقع نہ دینے اور کانفرنس میں اہمیت نہ دیئے جانے سے متعلق میڈیا میں ہونے والی تنقید کا جواب دیتے ہوئے کہاکہ وزیراعظم کی روانگی سے قبل ہی اس بات کا دفتر خارجہ نے اعلان کردیا تھاکہ امریکی صدر ڈونلڈ ٹرمپ سے پاکستان کی طرف سے ملاقات کی کوئی درخواست نہیں کی گئی ۔
انھوں نے کہاکہ عالمی کانفرنسز میں تمام امور پہلے سے طے کیے جاتے ہیں۔ میرے علم میں یہ بات نہیں ہے کہ وزیراعظم کا وہاں تقریر کرنے کا وہاں شیڈول تھا یا نہیں جب تمام تفصیلات سامنے آئیں گی تو اسکا اظہار کردوں گا۔ ۔مصدق ملک نے کہاکہ ریاض کانفرنس میں اہمیت نہ دیئے جانے سے متعلق میڈیا میں ہونے والی تنقید کاکوئی جوازنہیں ہے ۔انہوں نے کہاکہ امریکی صدرسے بھی وزیراعظمکی کوئی ملاقات طے نہیں تھی ۔
