اسلام آباد(مانیٹرنگ ڈیسک)ویسٹ انڈیز کرکٹ ٹیم کی جانب سے آخری ٹیسٹ میچ کھیلنے والےپاکستانی ٹیسٹ کپتان مصباح الحق کا میدان میں آنے پر شاندار گارڈ آف آنر،ویسٹ انڈین کپتان نے گلے لگ کر خراج تحسین پیش کیا۔ تفصیلات کے مطابق ویسٹ انڈیز کرکٹ ٹیم نے گرائونڈ میں بیٹنگ کیلئے آنے پر مصباح الحق کو شاندار گارڈ آف ٓآنر پیش کیا ہے۔ویسٹ انڈیز
کے کھلاڑی دو قطاروں میں بٹ گئے اوردرمیان سے مصباح کیلئے گرائونڈ میں داخل ہونے کیلئے راستہ بنایا۔ واضح رہے کہ مصباح الحق ویسٹ انڈیز کیخلاف اپنے کرکٹ کیرئیر کا آخری ٹیسٹ کھیل رہے ہیں۔پاکستان کپتان کو کیریبین کھلاڑیوں نےشاندار کیرئیر مکمل کرنے پر مبارکباد پیش کی جبکہ ویسٹ انڈین کپتان نے مصباح کے گلے لگ کر انہیں خراج تحسین پیش کیا۔
