اسلام آباد(مانیٹرنگ ڈیسک)پاکستان کرکٹ ٹیم کے سابق کپتان اور فاسٹ باؤلر وسیم اکرم کا کہنا ہے کہ انھوں نے عمران خان سے بہتر کپتان دنیا میں نہیں دیکھا۔نجی چینل کے مارننگ شو میں بات کرتے ہوئے وسیم اکرم نے کہا کہ ‘پاکستان سپرلیگ (پی ایس ایل) کے دوران میں نے مصباح الحق کے ساتھ کام کیا ہے اور وہ بہت اچھے کپتان ہیں لیکن ان کا عمران سے کوئی موازنہ نہیں ہے۔

پاکستان کی جانب سے 104 ٹیسٹ میچوں میں 414 وکٹیں حاصل کرنے والے وسیم کا کہنا تھا کہ انھوں نے کرکٹ کی دنیا میں عمران سے بہتر کپتان کبھی نہیں دیکھا۔قومی ٹیم کے سابق کپتان نے کہا کہ ‘گوکہ مصباح کی کپتانی کا ریکارڑ بہتر ہے لیکن جب عمران کی بات کرتے ہیں تو میں نے ان سے بہتر کپتان کبھی نہیں دیکھا۔