کوئٹہ (آئی این پی ) ڈائریکٹر جنرل پروونشل ڈیزاسٹر مینجمنٹ اتھارٹی بلوچستان محمد طارق نے کہا ہے کہ افغان فورسز کی گولہ باری سے متاثر ہونے والے چمن کے رہائشیوں کے لئے امدادی سامان پہنچادیا گیا ہے، 2 ہزار خاندانوں میں امدادی سامان کی تقسیم کا عمل مکمل ہوگیا ہے جبکہ دیگر نقصانات کے تخمینے کے لئے ضلعی انتظامیہ کام کررہی ہے۔ گولہ باری سے متاثر ہونے والے افراد کے لئے 4 کروڑ روپے مالیت کا سامان پہنچادیا گیاہے

ان خیالات کا اظہار انہوں نے کوئٹہ میں پی ڈی ایم اے کے کے دفتر میں پریس کانفرنس کرتے ہوئے کیا ، انہوں نے کہا کہ گز شتہ روز افغان فورسز کی جانب سے چمن کے کلی لقمان اور کلی جہانگیر پر گولہ باری سے متاثر ہونے والے افراد کے لئے 4 کروڑ روپے مالیت کا سامان پہنچادیا گیاہے اب تک 2 ہزار خاندانوں میں اس کی تقسیم کا عمل مکمل ہوچکا ہے اگر ضلعی انتظامیہ کی جانب سے مزید سامان طلب کیا گیا تو اس کی ترسیل بھی فوری طور پر کردی جائے گی ۔ انہوں نے کہاکہ پی ڈی ایم اے کے پاس خیمے موجود نہیں تھے جسے ہی بازار سے خرید لیا گیاہے ۔ انہوں نے کہاکہ پروونشل ڈیزاسٹر مینجمنٹ اتھارٹی کے پاس ریلیف کا مزید سامان موجود نہیں اس لئے حکومت سے اس سلسلے میں 60 کروڑ روپے مانگے گئے ہیں ۔ ان کا کہنا تھا کہ پی ڈی ایم اے کی ٹیم خوراکی مواد کے ساتھ گزشتہ شب چمن کے متاثرہ علاقے پہنچ چکی تھی بلکہ ریسکیو 1122 کے ایمبولینسز کی جانب سے بھی زخمیوں کو بھی فوری طور پر ریسکیو کرلیا گیاہے ۔ان کا کہنا تھاکہ پی ڈی ایم اے آفات اور دیگر سے متاثر ہونے والے افراد کی بروقت مدد کے لئے ہمیشہ تیار ہے اور اس سلسلے میں کسی قسم کی کوئی غفلت برداشت نہیں کی جائیگی ۔ ان کا کہنا تھاکہ پی ڈی ایم اے آفات اور دیگر سے متاثر ہونے والے افراد کی بروقت مدد کے لئے ہمیشہ تیار ہے اور اس سلسلے میں کسی قسم کی کوئی غفلت برداشت نہیں کی جائیگی ۔