اسلام آباد(مانیٹرنگ ڈیسک) موبائل فون کی معروف مسیجنگ ایپ واٹس ایپ نے اینڈرائیڈ اور آئی او ایس بیٹا ورڑن کے لیے البم فیچر متعارف کروادیا ہے۔
تفصیلات کے مطابق اسمارٹ فون کی معروف میسجنگ ایپ واٹس ایپ نے صارفین کے لیے ایک اور فیچر متعارف کروانے کا اعلان کیا ہے، واٹس ایپ کا البم نامی یہ فیچر آزمائشی طور پر بیٹا ورڑن کے لیے متعارف کروایا جاچکا ہے۔اب ایک ساتھ بھیجی جانے والی تصاویر البم کی صورت میں دکھیں گی، ابتدائی چار تصاویر اسکرین پر نظر آئیں گی تاہم اسے کھول کر بقیہ تصاویر باآسانی دیکھی جاسکیں گی۔کسی بھی صارف کی جانب سے بھیجی جانے والی البم میں موجود تصاویر کی تعداد بتائی جائے گی جنہیں دیکھنے کی خواہش رکھنے والاصارف اْسے کھول کر دیکھ سکے گا۔واٹس ایپ انتظامیہ کے مطابق یہ فیچر کسی چیٹ یا گروپس میں تصاویر کے تعداد کو کم کرنے میں مددگار ثابت ہوگا کیونکہ اس کے ذریعے ایک وقت میں پانچ سے زائد تصاویر بھیجی جاسکیں گی۔منتظمین کا کہنا ہے کہ یہ فیچر آزمائشی طور پر بیٹا ورڑن کے لیے دستیاب ہیں تاہم تجربہ کامیاب ہونے کے بعد اسے بہت جلد عام صارفین کے لیے متعارف کرادیا جائے گا۔
