ریاض (مانیٹرنگ ڈیسک) سعودی عرب کے بادشاہ شاہ سلمان نے سعودی ایئر فورس میں اپنے پائلٹ بیٹے کو امریکہ میں سفیر مقرر کر دیا۔ سعودی خبر رساں ادارے کے مطابق پرنس عبد اللہ بن فیصل بن ترکی کو امریکی سفارتکار کے عہدے سے ہٹا کر شاہ سلمان نے اپنے بیٹے شہزادہ خالدبن سلمان بن عبد العزیزکو امریکہ میں سفیر مقرر کر دیا۔ واضح رہے کہ سعودی سفیر شہزادہ خالدبن سلمان بن عبد العزیزامریکہ میں سفیر تعینات ہونے سے پہلے سعودی ایئر فورس میں
فائٹر پائلٹ کے فرائض سر انجام دیتے تھے۔ العربیہ نیوز کے مطابق شہزادہ خالد ، نائب ولی عہد اور وزیر دفاع شہزاہ محمد بن سلمان کے چھوٹے بھائی ہیں۔ انہوں نے امریکی ریاست مسسپی کی کولمبس ایئر بیس سے ہوابازی کی تربیت مکمل کی ہے۔ شہزادہ خالد سعودی فضائیہ کے جدید ترین لڑاکا طیارے ایف 15 کے پائلٹ کے طور پر اسلامی فوجی اتحاد کے پلیٹ فارم سے داعش کیخلاف کام بھی کر چکے ہیں اوروہ فضائی کارروائیوں میں بھی شریک رہے ہیں۔
