لاہور(مانیٹرنگ ڈیسک)پاکستان میں فن کی کسی بھی قسم کی کمی نہیں چاہے وہ موسیقی ہو،اداکاری ہو یا لکھنا ۔ایسے ہی ایک معروف لکھاری ایم اے راحت کا نام ایسا ہے کہ ہر ہر دلعزیز بن چکا ہے ۔ایم اے راحت کا اردو ادب کے چند بڑے ناموں میں سے ایک نام تھا،ایم اے راحت 800سے زائد ناولوں کے لکھاری تھے،کالا جادو،ناگ دیوتا ، کمند، کالے گھاٹ والی،کفن پوش،صندل کے تابوت،شہر وحشت،جھرنے،سایہ کالے راستےان کی دیومالائی

تخلیقات میں سے ہیں۔ایم اے راحت نے بچوں کے لئے بے شمار کہانیاں لکھیں ، تلفظ اور املا کے ساتھ ایسی لفاظی کی کہ بچے باآسانی پڑھ کر ان کے گرویدہ ہوئے ، عمران سیریز میں ان کی کہانیاں لیڈی پارکر،کالی طاقت اور عمران ان ایکشن آج بھی مقبول عام ہیں۔اردو ادب کے سرخیل ایم اے راحت دماغ میں رسولی کے باعث ،جناح اسپتال میں زیر علاج تھے ، وہ6 دن سے کومے میں تھے تاہم کومے کی حالت کے دوران ہی انتقال کر گئے۔