نئی دہلی (آئی این پی)کلبھوشن کو سز ا سنادی،اب براہ مہربانی ہمیں یہ تو دے دیں،،ترجمان بھارتی وزارت خارجہ گوپال بگلے منتوں پر اُتر آئے،بھارت نے کہا ہے کہ پاکستان سے کلبھوشن یادو کو فوجی عدالت سے سزائے موت سنائے جانے کے فیصلے اورچار ج شیٹ کی تصدیق شدہ نقل فراہم کرنے کی درخواست کی ہے تاہم پاکستان نے اس حوالے سے تاحال کوئی جواب نہیں دیا۔اتوار کو بھارتی میڈیا کے مطابق وزارت خارجہ کے

ترجمان گوپال بگلے نے کہاکہ پاکستانی وزارت خارجہ سے کلبھوشن یادو کو سنائی جانے والی سزا کے فیصلے اور چار ج شیٹ کی تصدیق شدہ نقل فراہم کرنے کی درخواست کی ہے تاہم پاکستان نے تاحال اس حوالے سے کوئی جواب نہیں دیا۔ بھارتی ہائی کمشنر گوتم بامبے والے نے جمعہ کوسیکرٹری خارجہ تہمینہ جنجوعہ سے ملاقات کرکے کلبھوشن یادو کی سزا کے فیصلے اور چارج شیٹ کی مصدقہ کاپی فراہم کرنے کا مطالبہ کیا تھا۔