اسلام آباد (مانیٹرنگ ڈیسک)لاہور پنجاب سوسائٹی سے پولیس مقابلے میں گرفتار لڑکی نورین لغاری نکلی۔ نورین ڈھائی ماہ پہلے حیدرآباد سے لاپتا ہوئی تھی۔ پولیس نے شبہ ظاہر کیا ہے کہ نورین نے کالعدم تنظیم میں شمولیت اختیار کرلی تھی جبکہ نورین کے بھائی اور والد کہتے ہیں اگر کوئی ایسی بات تو اسے سامنے لایا جائے ۔
لاہور کے علاقے پنجاب ہائوسنگ سوسائٹی میں جمعے اور ہفتے کی درمیانی شب انٹیلی جنس اداروں کی جانب سے آپریشن کیا گیا تھا۔۔جس میں ایک دہشتگر دہلاک اور ایک خاتون کو گرفتار کیا گیا تھا ۔ذرائع کے مطابق گرفتار خاتون نورین لغاری ہے۔نورین لیاقت میڈیکل یونیورسٹی جامشورو شعبہ ایم بی بی ایس سال دوم کی طالبہ تھی اورڈھائی ماہ قبل حیدرآباد سے لاپتا ہوئی تھی ۔ اور اس کی گمشدگی کا مقدمہ حیدرآباد کےحسین آباد تھانے میں والد کی مدعیت میں درج تھا ۔پولیس اپنی تحقیقات میں نورین کی کالعدم تنظیم میں شمولیت کا شبہ ظاہر کرچکی تھی ۔
