ماسکو (آئی این پی)روس نے تمام بموں کا باپ نامی بم بنا لیا۔غیر ملکی میڈیا کے مطابق روس کے پاس مدر آف آل بم تمام بموں کی ماں سے چار گنا بڑا بم موجود ہے جسے فادر آف آل بم تمام بموں کا باپ کا نام دیا گیا ہے۔

پاکستان کی سرحد کے قریبی افغان صوبے ننگر ہار کے ضلع آچن میں امریکا کی جانب سے 13اپریل کیروز گرائے گئے بم جسے مدر آف بم یعنی بموں کی ماں کا نام دیا گیا،روس کے پاس اس بم سے بھی چار گنا بڑا بم موجود ہے جسے فادر آف دی آل بم کا نام دیا گیا ہے۔روسی ساختہ 44ہزار ٹن وزنی تھرمو بیرک بم روایتی بموں سے مختلف بم ہیاورفضا میں موجود اوکسیجن کے ساتھ مل کر گرائے جانے والے بم کے مقام کے 1000فٹ کے رداس میں اس کی شدت کو بڑھادیتا اس کو تباہ کن بنا دیتا ہے۔2007میں تیار کئے جانے والے بم کو مخصوص انداز سے ڈیزائن کیا گیا ہے جس کا مقصد دھماکے کی شدت کو عام بموں سے کئی گنا زیادہ بنانا اور فضا میں ایندھن کو مزید بھڑکانا ہے جو اسٹرکچرز کا مکمل طور پر تباہ کر دیتا ہے۔واضح رہے کہ افغان صوبے ننگر ہار کے ضلع آچن میں گرائے گئیمدر آف آل بم تمام بموں کی ماں سے ہلاکتوں کی تعداد94ہو چکی ہے،امریکی حکام نے بم گرانے کی ویڈیو بھی جاری کی تھی۔