اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار ڈاکٹر شاہد مسعود نے کہا ہے کہ عزیر بلوچ کے ساتھ ساتھ بہت بڑے بڑے نام جڑے ہیں، بد قسمتی سے پاکستان کے ایک بہت بڑے، بہت مشہور اور مایہ ناز کرکٹر کا نام بھی عزیر بلوچ کے ساتھ جڑا ہوا ہے۔ اس کرکٹر نے آج بھی کرکٹ میچ کھیلا ہے۔ اس
کرکٹر کی پرفارمنس بھی بہت خراب تھی۔ اس کرکٹر کا نام میں نہیں لوں گا لیکن وہ پاکستان کا معروف اور مقبول ترین کرکٹر ہے۔ اس کا نام بھی عزی بلوچ کے ساتھ شامل ہے۔ واضح رہے کہ ڈاکٹر شاہد مسعود کے اس دعوے کے بعد سوشل میڈیا پر قومی کرکٹر شاہد خان آفریدی کی بد نام زمانہ گینگسٹر عزیر بلوچ کے ساتھ تصاویر شیئر کی جا رہی ہیں۔
