اسلام آباد (این این آئی)پاکستان تحریک انصاف کے مرکزی رہنما اسد عمر نے کہا ہے کہ بھارت بھرپور اور منظم طریقے سے پاکستان میں دہشتگردی کر رہا ہے ۔ ایک انٹرویو میں انہوں نے کہاکہ کلبھوشن یادیو نے گرفتاری کے بعد پاکستان میں دہشتگردی کروانے کے اعترافی بیان دئیے اور اب پوری قوم کلبھوشن یادیو کو

سزا موت کے فیصلے کی حمایت کریگی ۔پاکستان تحریک انصاف کے مرکزی رہنما اسد عمر نے کہا کہ بھارت بھرپور اور منظم طریقے سے پاکستان میں دہشتگردی کر رہا ہے اور اسے فروغ دے رہا ہے اور اس میں کسی کو کوئی شک نہیں ۔ انہوں نے کہاکہ کل بھوشن کا معاملہ اب عالمی سطح پر اْٹھانے کی ضرورت ہے۔