اسلام آباد(آن لائن)نیپال میں لاپتہ ریٹائرڈ کرنل کے معاملے پر ملک دشمن ایجنسیوں کے ملوث ہونے کا شبہ،بیٹے نے تھانہ روات میں مقدمہ درج کر وادیا ۔ نیپال میں پاکستانی فوج کےریٹائرڈ کرنل کو
ملازمت بہانے بلا کر لاپتہ کر دیا گیا ان کے بیٹے نے تھانہ روات میں مقدمہ درج کرا دیا ہے۔پولیس نے اغوا دھوکہ دہی کی کے تحت مقدمہ درج کر کے تفتیش شروع کر دی ہے،میڈیا رپورٹس کے مطابق پاکستانی دفتر خارجہ کے ترجمان نفیس ذکریا کا کہنا ہے اس معاملے پر نیپالی حکومت سے رابطہ کیا گیا ہے۔نیپالی حکومت کے ترجمان کا کہنا ہے پاکستانی حکومت کے سابق افسر کے لاپتہ ہونے کی تحقیقات کا آغاز کر دیا گیا۔پاکستانی سیکورٹی اداروں نے حبیب ظاہر کی ای میلز کی تحقیات کی ہیں جس کے تحت انہیں مارچ میں سٹارٹ سولوشز نامی ویب سائٹ سے مارک تھامسن نے ای میل کے ذریعے ساڑھے تین ہزار سے ساڑھے آٹھ ہزار ڈالر کی تنخواہ پر نائب صدر اور زونل دائریکٹر کی پیشکش کی تھی۔
