اسلام آباد (مانیٹرنگ ڈیسک) پاکستان پیپلزپارٹی کے چیرمین آصف علی زرداری نے سابق وزیراعظم میرظفراللہ جمالی اورسابق ڈپٹی سپیکرقومی اسمبلی جان جمالی کوپیپلزپارٹی میں شمولیت کی دعوت دی ۔ایک نجی ٹی وی کے مطابق آصف علی زرداری نے سابق وزیراعظم میر ظفراللہ جمالی اورجان جمالی سے ملاقات کی اوراس موقع پران رہنمائوں کوپارٹی میں شمولیت
کی دعوت دی جس پرمیرظفراللہ جمالی نے شمولیت سے قبل اپنے ساتھیوں سے مشاورت کےلئے وقت مانگ لیاہے ۔میرظفراللہ جمالی نے کہاکہ عام انتخابات پیپلزپارٹی کے پلیٹ فارم سے لڑنے کےلئے ساتھیوں کی مشاورت کے بعد آپ کواپنے جواب کوآگاہ کروں گا۔واضح رہے کہ ظفراللہ جمالی بلوچستان کے ضلع جعفرآبادسے کئی مرتبہ رکن قومی اسمبلی رہے ہیں ۔
