ٹھٹھہ (این این آئی)وفاقی وزیر مملکت کے احکامات ردی کی ٹوکری میں حیسکو نے مکلی ہیڈ کواٹر میں 8گھنٹوں کی لوڈشیڈنگ کا شیڈول جاری کر دیا۔ سماجی ،سیاسی مذہبی جماعتوں شہریوں کا سخت رد عمل ۔تفصیلات کے مطابق گذشتہ چند روز قبل وزیر مملکت عابد شیر علی مکلی میں کھلی کچہری میں لوڈشیڈنگ کم کرنے کے احکامات حیسکو ٹھٹھ نے ردی کی ٹوکری میں ڈال دیئے ہیں ،وزیر مملکت کے دورے کے چند روز

بعد ہی ضلع ٹھٹھ کے ہیڈ کواٹر مکلی اسلام پور فیڈر کے لئے حیسکو نے آٹھ گھنٹوں کی لوڈشیڈنگ کا شیڈول جاری کر دیا ہے جس پر سیاسی سماجی مذہبی جماعتوں شہریوں نے سخت برہمی کا اظہار کرتے ہوئے کہا کہ ایک طرف وزیر مملکت پانی و بجلی نے کھلی کچہری میں کم لو ڈ شیڈنگ کرنے کے احکامات جاری کئے مگر حیسکو ٹھٹھ نے ایکسین اور ایل ایس مکلی نے اپنی اجارداری کرتے ہوئے 8گھنٹے لوڈشیڈنگ کر دی ہے