نئی دہلی(این این آئی) بھارت میں ہندوانتہائی پسندی عروج پر پہنچ گئی‘ہندو لڑکی سے ملنے پر ہندو بلوائیوں نے مسلمان نوجوان کو مار مار کرشہید دیا۔گزشتہ روز بھارتی پولیس کے مطابق 20سالہ محمد شالک مشرقی ریاست جھاڑکھنڈ کے ضلع گوملا میں اپنی گرل فرینڈ کو اسکوٹر پر چھوڑنے کے بعد واپس آرہا تھا کہ درجنوں ہندو بلوائیوں نے اسے پکڑلیا،
اسے لڑکی کے سامنے ایک کھمبے سے باندھ دیا اور کئی گھنٹے تک اسے چھڑیوں اوربیلٹوں سے تشدد کا نشانہ بنایا یہاں تک کہ اس کی موت واقع ہوگئی۔دوسری جانب گوملا پولیس کے سربراہ چندن کمارجھا نے فرانسیسی خبرایجنسی کوبتایا کہ ہم اس بات کوکھوج لگانے کی کوشش کررہے ہیں کہ آیا بلوائیوں کوکہیں لڑکی کے خاندان والوں نے تونہیں بھڑکایا تھا۔
