اسلام آباد ۔ (مانیٹرنگ ڈیسک) امام کعبہ شیخ صالح بن محمد بن ابراہیم آج بروزہفتہ پارلیمنٹ ہائوس کے دورہ کے موقع پرپارلیمنٹ ہائوس کی مسجد میں نماز مغرب کی امامت کرائیں گے۔ امام کعبہ کی پارلیمنٹ ہائوس آمد کے موقع پر سیکیورٹی کے سخت ترین حفاظتی انتظامات کئے جائیں گے

جبکہ امام کعبہ شیخ صالح بن محمد بن ابراہیم کے پارلیمنٹ ہائوس آمد کے موقع پر ان کا شاندار استقبال کیا جائے گا۔اس سلسلے میں امام کعبہ کے دورہ کے موقع پر قومی اسمبلی سیکرٹریٹ عملہ کی آج بروزہفتہ 8 اپریل کی چھٹی بھی منسوخ کر دی گئی ہےجبکہ اسمبلی سیکرٹریٹ عملہ آج بروز ہفتہ معمول کی خدمات سرانجام دے گا۔

موضوعات:امام کعبہ شیخ صالح بن محمد بن ابراہیم