اسلام آباد (مانیٹرنگ ڈیسک)پاک فوج کا جعلی جنرل گرفتار، اہم سیاستدانوں کو بیوقوف بنا کر لوٹتا رہا، جعلی بریگیڈئیر بن کر ایک نیوی اہلکار کا تبادلہ بھی کروایا۔  پاکستان کے ایک روزنامے کی رپورٹ کے مطابق راولپنڈی کے علاقے ڈھوک کالا خان سے پولیس نے پاک فوج کے جعلی جنرل کو گرفتار کر لیا ہے جس نے تفتیش کے دوران حیران کن انکشاف کئے ہیں۔ لیاقت حسین نامی راولپنڈی کے شہری نے اعتراف

جرم کرتے ہوئے دوران تفتیش پولیس کو بتایا ہے کہ اس نے پاک فوج کا جعلی جنرل بن کرپیپلزپارٹی کے سینیٹر تاج حیدر سے 50ہزار روپے بٹورے جبکہ یہی نہیں بلکہ کئی سیاستدانوں کو آرمی چیف بن کر بھی فون کیا اور بے وقوف بنا کر ہزاروں روپے بٹورتا رہا۔ ملزم نے پولیس کو بتایا کہ اس نےپاک فوج کا جعلی بریگیڈئیر بن کر بھی ایک نیوی اہلکار کابھی با آسانی تبادلہ بھی کروایا۔

موضوعات:جعلی جنرل سینیٹر تاج حیدر