ملتان(آئی این پی )ملتان میں چوری کے شبہ پر دکان مالک کا9 سالہ ملازم پر وحشیانہ تشدد،تشدد کے شکار بچے کو شہریوں نے چائلڈ پروٹیکشن بیورو کے حوالے کر دیا۔ 8 نمبر چونگی کے قریب 9 سالہ ملازم رضوان کو دکان مالک چوری کے شبہ میں دو روز تک تشدد کا نشانہ بناتا رہا۔ دکان مالک نے گرم پانی اور تیزاب سے

بچے کا ہاتھ بھی جلا دیا۔ جس سے تنگ آکر بچہ دکان سے بھاگ گیا۔ تشدد کے شکار بچے کو شہریوں نے چائلڈ پروٹیکشن بیورو کے حوالے کر دیا۔ بیورو حکام نے بچے کو زخمی حالت میں نشتر اسپتال کی ایمرجنسی وارڈ میں منتقل کر دیا ہے۔  چائلڈ پروٹیکشن کی درخواست کے باوجود پولیس نے تاحال کاروائی نہیں کی۔۔