خاران(مانیٹرنگ ڈیسک)بلوچستان کے علاقے خاران میں فائرنگ سے 4 مزدور جاں بحق ہوگئے۔رپورٹ کے مطابق خاران کے علاقے ایری کلگ میں نامعلوم افراد نے سڑک کی تعمیر کے کام پر مامور مزدوروں پر فائرنگ کردی، واقعے میں 4 افراد جاں بحق ہوگئے۔جاں بحق

مزدوروں کی شناخت غلام مصطفیٰ، سجاد، نیازی اور سہراب کے ناموں سے ہوئی ہے، چاروں افراد کا تعلق سندھ کے علاقے گھوٹکی سے بتایا جاتا ہے۔لیویز ذرائع کے مطابق واقعے کے بعد جاں بحق افراد کی لاشیں اسپتال منتقل کردی گئیں جبکہ ملزمان کی تلاش بھی شروع کردی۔

موضوعات:بلوچستان