لاہور(آئی این پی) پنجاب فوڈ اتھارٹی نے شادی ہالز اور کیٹرنگ کمپنیوں کو لائسنس حاصل کرنے کے لیے 15 روز کی حتمی مہلت دیدی، شادی ہالوں میں کھانا صرف پنجاب فوڈ اتھارٹی کے منظور شدہ کیٹرنگ کمپنیاں ہی مہیا کر سکیں گی۔ڈائریکٹرجنرل پنجاب فوڈ اتھارٹی نورالامین مینگل نے بغیر لائسنس کام کرنے والے شادی ہالوں کو اگلے 15 دن کے اندر لائسنس حاصل کرنے کی وارننگ جاری کی ہے۔ لائسنس حاصل نہ کرنے والوں
کو سیل کرتے ہوئے ان کے خلاف قانونی کارروائی عمل میں لائی جائے گی نورالامین مینگل کا کہنا ہے کہ تمام شادی ہالوں کو لائسنس کے حصول کے ساتھ ساتھ ہدایات جاری کی گئی ہیں کہ وہ اشیا خوردونوش کی تیاری میں فوڈ اتھارٹی کی طرف سے منظور شدہ آئل، گھی، مصالحہ جات اور دیگر تمام اشیا استعمال کریں۔ شادی ہالوں میں ایسی کوئی چیزاستعمال نہ کی جائے جو فوڈ اتھارٹی سے منظور شدہ نہ ہو اور جس کے پروڈکشن کی تاریخ اور پتہ واضح نہ ہو۔ ایسے شادی ہال جو خود کھانا تیار نہیں کرتے، وہ صرف پنجاب فوڈ اتھارٹی کی منظور شدہ کیٹرنگ کمپنیوں اور جس کے پروڈکشن کی تاریخ اور پتہ واضح نہ ہو۔ ایسے شادی ہال جو خود کھانا تیار نہیں کرتے، وہ صرف پنجاب فوڈ اتھارٹی کی منظور شدہ کیٹرنگ کمپنیوں سے ہی کھانا تیار کرائیں تمام شادی ہالز، ریسٹورنٹس اور دیگر اشیا خوردونوش بنانے والے یونٹ استعمال شدہ خوردنی تیل صرف منظور شدہ بائیو ڈیزل بنانے والی کمپنیوں کوہی فروخت کریں۔ استعمال شدہ خوردنی تیل کسی بھی اور مقصد کے لیے فروخت کرنے پر مکمل پابندی عائد کر دی گئی ہے استعمال شدہ خوردنی تیل کو انسانوں یا جانوروں کے استعمال کی کسی بھی چیز کے لیے استعمال کرنے کی اجازت نہیں ہے۔ خلاف ورزی کرنے والوں کا نہ صرف لائسنس منسوخ کیا جائے گا بلکہ ان کو آئندہ کسی بھی قسم کا لائسنس جاری نہیں کیا جائے گا۔
