اسلام آباد (مانیـٹرنگ ڈیسک) وزیر اعظم میاں محمد نواز شریف دورہ حیدرآباد کے درپردہ اصل مشن میں ناکام رہے۔ راحیلہ مگسی کے گھر کھانے کے دوران ممتاز بھٹو کو مناتے رہے مگر وہ نہ مانے۔ تفصیلات کے مطابق دورہ حیدرآباد کے درپردہ وزیراعظم دراصل سندھ میں ناراض حلیف سیاسی جماعتوں اور شخصیات کو منانے کے مشن پر تھے اس سلسلہ میں راحیلہ مگسی کے گھر کھانے کے دوران وزیراعظم نے ممتاز بھٹو کو اپنے
ساتھ بٹھایا اور کہا کہ آپ بڑے ہیں آپ کو ساتھ لے کر چلیں گے لیکن ممتاز بھٹو نے وزیراعظم میاں محمد نواز شریف کو جواب دیتے ہوئے کہا کہ جب ہم آپ سے ملنے کیلئے وقت مانگتے تھے آپ کے پاس ہمارے لئے وقت نہیں تھا اور اب ہمارے پاس آپ کے لئے وقت نہیں۔ ہمارے درمیان باہمی احترام اور محبت کا رشہ قائم ہے اور رہے گا مگر سیاسی طور پر ہم اپنے راستے آپ سے جدا کر چکے ہیں اور آپ کو سندھ میں کسی صورت کندھا دینے کیلئے تیار نہیں۔
