اسلام آباد(آئی این پی) وفاقی وزیر ریاستوں و سرحدی امورلیفٹیننٹ جنرل (ر) عبدالقادر بلوچ نے کہا ہے کہ فاٹا میں عارضی طور پر نقل مکانی کرنے والے افراد کی ان کے گھروں میں واپسی کو جلد از جلد یقینی بنانے کے لئے طریقہ کار سے ہٹ کر قلیل مدت کیلئے ملازمین کی بھرتی کی گئی ہے۔بدھ کو  قومی اسمبلی میں قیصر جمال کے نیشنل ٹیسٹنگ سروس کی خدمات کے بغیر فاٹا سیکرٹریٹ میں بھرتیوں کے حوالے سے توجہ مبذول

نوٹس کا جواب دیتے ہوئے ریاستوں و سرحدی امور کے وفاقی وزیر جنرل (ر) عبدالقادر بلوچ نے کہا کہ فاٹا کے منصوبوں میں بھرتیوں کے لئے این ٹی ایس کی شرط نرم کی گئی ہے۔ باقی معمول کے مطابق بھرتیوں میں این ٹی ایس ٹیسٹ لازمی ہے۔ وفاقی وزیر عبدالقادر بلوچ نے کہا کہ فاٹا میں ملازمین کی بھرتیاں کے پی کے حکومت کے ذریعے ہوتی ہیں ہم نے قلیل مدت کے لئے بھرتیوں کے حوالے سے این ٹی ایس کی شرط نرم کی ہے۔