اسلام آباد(مانیٹرنگ ڈیسک)102سالہ معمر شخص سارا دن بھیک مانگ کر تمام رقم یتیم خانوں میں عطیہ کر دیتا ہے۔ بلغاریہ سے تعلق رکھنے والے ڈوبری ڈوبریو سماعت سے محروم ہے، دوسری جنگ عظیم کے دوران وہ قوت سماعت سے محروم ہو گیا تھا۔ڈوبری سے جب ایک شخص نے بھیک مانگ کر رقم یتیم خانوں اور گرجا گھروں کو عطیہ کرنے سے متعلق سوال کیا تو ڈوبری کا کہنا تھا کہ اس سے ایک غلطی ہو گئی تھی

جس کے مداوا کے طور پر وہ بے آسرا بچوں کی مدد بھیک مانگ کر کرتا ہے۔ ڈوبری کو ماہانہ 100یورو پنشن ملتی ہے۔ ایک بار اس نے ایک گرجا گھر کو 24ہزار ڈالر عطیہ کئے۔ بھیک مانگ کر عطیہ کرنے کے حوالے سے ڈوبری کی شہرت کی وجہ سے اسےسال 2000میں ایک فلم ’’مائیٹ‘‘میں کچھ منٹ کا رول بھی ملا جس میں ڈوبری نے لوگوں سےمحبت سے پیش آنے اور گناہوں سے بچنے کی تلقین کی ہے۔