اسلام آباد(مانیٹرنگ ڈیسک) پاکستانیوں کو آنکھیں عطیہ کرنے والےسری لنکن وفدکی وزیر اعلی پنجاب شہباز شریف سے ملاقات ۔ تفصیلات کے مطابق پاکستانی نابینا افراد کیلئے جذبہ خدمت انسانیت کے تحت آنکھیں عطیہ کرنے والے سری لنکن وفد نے وزیراعلیٰ پنجاب میاں محمد شہباز شریف سے ملاقات کی ہے۔ شہباز شریف نے وفد کے ارکان کے جذبے کوسراہتے ہوئے ان کا شکریہ ادا کیا اور

ان کی دکھی انسانیت کے لئے خدمات پر ان کی بے حد تعریف کی۔اس موقع پروزیر اعلیٰ پنجاب نے کہا کہ بینائی سے محروم افراد کیلئے سری لنکن وفد کا تحفہ ایک نعمت ہے جس سے وہ اللہ کی اس حسین دنیا کو دیکھنے کے قابل ہو جائیں گے۔سری لنکن وفد کی آنکھیں عطیہ میں ملنے والے پاکستانی شہریوں نے بھی شہباز شریف سے ملاقات کی اورسری لنکن وفد کے ارکان کا شکریہ ادا کیا ہے۔