اسلام آباد(نیوز ڈیسک)امریکا کے شہر شکاگو میں سینٹ پیٹرکس ڈے منایا گیا ، فوجیوں اور لوگوں نے سڑکوں پر پریڈ کی اور دریائے شکاگو کو سبز رنگ دے دیا گیا۔ شکاگو میں گزشتہ ترپن برس سے سینٹ پیٹرکس ڈے جوش و خروش سے منایا جاتا ہے۔ سبز کپڑے پہنے سیکڑوں لوگوں نے پریڈ کی جبکہ دیکھنے والوں کی بڑی تعداد نے بھی سبز لباس پہن رکھے تھے۔ چمکتے سورج اور روشن دن نے لوگوں کے جوش و خروش میں اضافہ کیا۔ پریڈ میں شامل میوزک بینڈ اور پولیس کے مارچ کو لوگوں نے کھل کر داد دی۔ اس موقع پر دریائے شکاگو کو سبز رنگ دیا گیا۔