اسلام آباد (مانیٹرنگ ڈیسک) سعودی عرب میں پاکستانی ڈرائیور کا شاندار کارنامہ ،جان کی پرواہ کئے بغیر جلتی گاڑی سے دو افراد کو زندہ بچا لانے پر سعودی حکومت کا اظہار تشکر، گورنر دمام نے اہم اعلان کر دیا۔ تفصیلات کے مطابق پاکستانی ٹرک ڈرائیور محمد منصور نے صوبہ دمام میں بہادری اور انسانیت کی اعلیٰ مثال قائم کرتے ہوئے جان کی پرواہ کئے بغیر حادثہ کی شکار کار جس کو
آگ نےاپنی لپیٹ میں لے رکھا تھا سے دو افراد کو زندہ نکالا اور ان کو ابتدائی طبی امداد دی ۔ پاکستان ٹرک ڈرائیور محمد منصور کے اس کارنامے پر گورنر دمام شہزادہ سعود بن نائف بھی حیران ہو گئے اور انہوں نے انسانیت کی اعلیٰ مثال قائم کرنے پر محمد منصور سے ملاقات کی اور ان کی حوصلہ افزائی کرتے ہوئے انہیں تحائف کے ساتھ اس سال سعودی حکومت کے خرچ پر حج کرانے کا وعدہ کیا۔
