اسلام آباد (مانیٹرنگ ڈیسک) ذوالفقار مرزا اور فہمیدہ مرزا نے پیپلز پارٹی سے شدید اختلافات کے بعد پارٹی کو الودع کہہ دیا ۔تفصیلات کے مطابق سندھ سے پیپلزپارٹی کے سابق رہنما ذوالفقار مرزا اور انکی اہلیہ سابقہ سپیکر قومی اسمبلی فہمیدہ مرزا نے پارٹی اختلافات کے بعد پیپلزپارٹی سے تما م تر ناطے ختم کرکے ملک کی دوسری بڑی جماعت میں شامل ہونے کا عندیہ دے دیا ہے ۔ذرائع کا کہنا ہےکہ دونو ں رہنماؤں کے

مسلم لیگ میں شمولیت کے معاملات طے پاگئے ہیں ۔ یہاں یہ بات قابل ذکر ہے کہ ابھی تک شمولیت کا حتمی اعلان نہیں کیا گیا ہے،یہ خبر بھی ہیں کہ ابھی معاملات کو حتمی شکل نہیں دی گئی جس وجہ سے تمام انتظامات مکمل ہونے کے بعد ہی شمولیت کا حتمی اعلان کیا جائے گا ۔ واضح رہے کہ فہمیدہ مرزا سابقہ سپیکر اور ذوالفقار مرزا اہم وفاقی وزیر کے علاوہ اہم سرکاری عہدوں پربھی رہ چکے ہیں ۔