نئی دہلی (آئی این پی)بھارتی میڈیا نے دعویٰ کیا ہے کہ حافظ سعید احمد کے بہنوئی نے جماعت الدعوۃکی باگ دوڑ سنبھال لی ہے۔بھارتی اخبار ’’دی ٹائمز آف انڈیا‘‘ کی رپورٹ کے مطابق حافظ سعید احمد کی نظر بندی کے بعد انکے بہنوئی حافظ عبدالرحمان مکی نے جماعت الدعوہ کا کنٹرول سنبھال لیا ہے ۔
اخبار نے جماعت الدعوہ کے ذرائع کا حوالہ دیتے ہوئے دعوی کیا ہے کہ حافظ عبدالرحمان مکی کو جماعت الدعوہ کا سربراہ بنا دیا گیا ہے ۔حافظ عبدالرحمان مکی جماعت الدعوہ کی اعلی قیادت میں شمار ہوتے ہیں۔اخبار نے ذرائع کے حوالے سے مزید کہا کہ مکی صاحب اس وقت ادارے کے تمام امور چلا رہے ہیں ۔
