اسلام آباد(مانیٹرنگ ڈیسک) افغانستان کرکٹ ٹیم نے عالمی ریکارڈ قائم کر دیا۔ تفصیلات کے مطابق افغان کرکٹ ٹیم نے ٹی ٹونٹی کرکٹ میں مسلسل زیادہ فتوحات کا نیا عالمی ریکارڈ قائم کر دیا ہے۔ افغانستان نے آئرلینڈ کو پہلے ٹی ٹونٹی میچ میں شکست دے کر مسلسل نویں فتح اپنے نام کر کے یہ اعزاز اپنے نام کیا ہے ۔اس سے قبل

انگلینڈ اور آئرلینڈ مسلسل 8، 8 فتوحات حاصل کر کے مشترکہ طور پر اس عالمی ریکارڈ پرقابض تھے۔واضح رہے کہ افغان کرکٹ ٹیم نے 27مارچ 2016ء کو دو مرتبہ کی عالمی چیمئپن ویسٹ انڈیز کو ہرا کر فتوحات کا سلسلہ شروع کیاتھاجبکہ افغان ٹیم کے ہاتھوں متحدہ عرب امارات کو 4 اور آئرلینڈکو 3مرتبہ شکست کا سامناکرنا پڑا ہے ۔