کراچی (مانیٹرنگ ڈیسک) عمران خان کی طرف سے پی ایس ایل کے غیرملکیوں کھلاڑیو ں کوپھٹییچرکہنے کامعاملہ ابھی تھمانہیں تھاکہ سابق کرکٹرجاید میانداد نے کہاہے کہ عمران خان نے پی ایس ایل فائنل میں شریک غیرملکیوں کے بارے میں بیان دے کرکوئی غلط کام نہیں کیا اورنہ پی ٹی آئی کے سربراہ کے بیان میں کوئی خرابی ہے کہ ان پرتنقید کی جارہی ہے ۔ایک نجی ٹی وی سے گفتگوکرتے ہوئے جاویدمیاندادنے عمران خان کے
بیان کادفاع کرتے ہوئے کہاہے کہ پھٹییچراورریلوکٹاکی اصلاحات کرکٹ کلبوں میں عام طورپراستعمال کی جارہی ہیں اوران کامطلب ہرکرکٹرسمجھتاہے ۔انہوں نے کہاکہ عمران خان کے بیان پرتنقید کرنے کے بجائے اس پرغور کیاجائے کہ انہوں نے کس حوالے سے یہ بیان دیاہے ۔اس موقع پرجاویدمیانداد نے کہاکہ اصل سوالات توپی ایس ایل کے چیرمین نجم سیٹھی سے کرنے چاہیے جنہوں نے بلندوبانگ دعوی کیاتھاکہ عمران خان کے بیان کی وجہ سے کیون پیٹرسن پاکستان میں فائنل کھیلنے نہیں آئے ۔جاوید میاندادنے کہاکہ اس دعوے کی تحقیقات ہونی چاہیے کیونکہ کیون پیٹرسن عمران خان کے بیان کی تردید کرچکے ہیں ۔انہوں نے کہاکہ عمران خان پرتنقید کاسلسلہ بندکیاجائے کیونکہ اس بحث سے کھلاڑیوں پرمنفی اثرات مرتب ہورہے ہیں انہوں نے کہاکہ انگلش کھلاڑی سیکیورٹی کی خراب صورتحال میں کہیں بھی نہیں کھیلتے ہیں ۔ ۔واضح رہے کہ کیون پیٹرسن نے بعد میں ایک ویڈیو پیغام میں اس تاثر کی نفی کرتے ہوئے کہا تھا کہ ان کا فائنل کیلئے لاہور نہ آنے کا فیصلہ ذاتی تھا اور اس کا عمران خان کے بیان سے کوئی تعلق نہیں ہے ۔جبکہ میڈیا رپورٹس کے مطابق پی ایس ایل میں میں کوئٹہ گلیڈی ایٹرز کی نمائندگی کرنے والے انگلش کھلاڑی کیون پیٹرسن نے عمران خان کے لاہور میں فائنل کے انعقاد کو پاگل پن قرار دیے جانے کے بیان پر فائنل کیلئے لاہور آنے سے انکار کردیا تھا۔
