کٹھمنڈو (آئی این پی) نیپالی حکومت چین کے ساتھ ملنے والے شمالی سرحدی علاقوں کے بعض ممنوعہ سیاسی مقامات کوبھی چینی سیاحوں کیلئے کھولنے کی تیاری کررہی ہے ، نیپالی حکومت نے اعلان کیا ہے کہ وہ ٹیپلی جنگ ، سان خو واسا بھا ، سولو خمبو ، دولاکھا رسووا ،گورکھا ،م مستینگ ، مانانگ ، ڈولپا ، موگو اور ہملہ کے اضلاع کے ان علاقوں میں سیاسی مقامات تک جانے کی پہلے اجازت نہیں دی جاتی تھی

کیونکہ یہ علاقے چینی تبت کے علاقے کے ساتھ واقع ہیں تاہم اب چینی سیاحوں کو ان علاقوں تک جانے کی اجازت دیدی جائے گی ، یہ بات وزیر ثقافت ، سیاحت ، شہری ہوا بازی ، جیون بہادر شاہی نے نیپال کی سرمایہ کاری کانفرنس میں بتائی ہے ۔ انہوں نے کہا کہ اس سے سیاحت کو فروغ حاصل ہو گا اور محکمہ سیاحت کی آمدنی میں اضافہ ہو گا ۔یاد رہے کہ نیپال نے 1970ء میں ان علاقوں میں سیاحوں کے جانے پر پابندی لگادی تھی کیونکہ چینی سرحد کے ساتھ واقع ان علاقوں میں غیر ملکی افراد کی چین کے خلاف مسلح سرگرمیاں شروع ہو گئی تھیں ، 1974ء میں نیپالی فوج نے ان افراد کا خاتمہ کر دیا اور اب یہ علاقے سیاحوں کیلئے کھول دیئے جائیں گے۔ نیپال چین سے سرمایہ کاری حاصل کرنے والے ملکوں میں نمایاں حیثیت رکھتا ہے ، ہمالیہ کے اس ملک کیلئے چین 13.52ارب امریکی ڈالر کی سرمایہ کاری کررہا ہے ۔یہ بات سات ملکی نیپال سرمایہ کاری کانفرنس میں بتائی گئی ہے جو گذشتہ روز یہاں ختم ہو گئی ہے ، کانفرنس میں شرکت کرنیوالے وفود میں سے سب سے بڑا وفد چین کا تھا جس نے کانفرنس کے دوران 8.2ارب امریکی ڈالر کی براہ راست غیر ملکی چینی سرمایہ کاری کا وعدہ کیا ، کانفرنس کا اہتمام نیپال کے سرمایہ کاری بورڈ نے کیا تھا ، کانفرنس میں سرمایہ کاری کیلئے پیشکشوں میں 61فیصد حصہ چین کا ہے ۔نیپال کے سرمایہ کاری بورڈ کے

مطابق بنگلہ دیش نے نیپال میں 2.4ارب ڈالر کی سرمایہ کاری کا وعدہ کیا ، سات ممالک کے سرمایہ کاری وعدوں میں بنگلہ دیش دوسرے نمبر پر رہا جبکہ جاپان اور برطانیہ نے ایک ارب ڈالر سے زیادہ کی پیشکش کی ، سری لنکا نے 500ملین ڈالر ، بھارت نے 317ملین ڈالر جبکہ نیپالی سرمایہ کاروں نے 11.5ملین ڈالر کی پیشکش کی۔ نیپالی سرمایہ کاری بورڈ کے چیف ایگزیکٹو نے کہا کہ انہیں غیر ملکی سرمایہ کاری کے سلسلے میں چینی سرمایہ کاری اور وفود کی شرکت سے بڑا حوصلہ ملا ہے ۔