بیجنگ (آئی این پی ) چین کی انسان بردار آب دوز جیاؤ لونگ گذشتہ روز شمال مغربی بحیرہ ہند میں آپریٹنگ کے دوران سطح سمندر سے 3117میٹر نیچے تک چلی گئی ، یہ آپریشن ایک چینی کمپنی کی طرف سے 38ویں سمندری سائنسی مہم جوئی اور جیاؤ لونگ کی سال کی پہلی گہرے سمندر کی تحقیق کے موقع پر کیا گیا ہے،

مشن کے فیلڈ کمانڈر یو ہونگ جن نے کہا کہ مہم جوئی میں سسٹم کی پوری طرح پڑتال کی گئی اور 4.2کلوگرام سلفائیڈ 18.7کلوگرام باسالٹ اور 16لٹر گہرے سمندری پانی سمیت مختلف نمونے حاصل کئے گئے، 124روزہ سفر کے دوران جیاؤ لونگ آبدوز بحیرہ جنوبی چین اور یاپ ٹرینچ کی تحقیق کرے گی ۔