اسلام آباد(مانیٹرنگ ڈیسک)اسلام آباد یونائیٹڈ پاکستان سپر لیگ فائنل کی دوڑ سے باہر مگر کوچ ڈین جونز فائنل میچ کا اہم حصہ ہونگے۔تفصیلات کے مطابق اسلام آباد یونائیٹڈ کے کوچ ڈین جونز کی ٹیم تو ایونٹ سے باہر ہو چکی ہے لیکن وہ لاہورقذافی سٹیڈیم میں ہونے والے فائنل میچ کا اہم حصہ ہونگے۔ ڈین جونز پی ایس ایل فائنل میچ میں کمنٹیٹر کے
فرائض سر انجام دینے لاہور آنے پر آمادہ ہوگئے ہیںاور ان کا اس سلسلہ میںغیرملکی نشریاتی ادارے سے معاہدہ بھی طے پا گیا ہے۔ واضح رہے کہ پاکستان سپر لیگ کے پلے آف میچوں میں کمنٹری کرنے والے غیر ملکی کمنٹیٹرز نے لاہور میں ہونے والے فائنل میچ میں کمنٹری سے معذرت کرتے ہوئے لاہور آنے سے انکار کر دیا ہےجس کے بعد پی ایس ایل انتظامیہ ان کے متبادل کی تلاش میں تھی۔
