لندن(نیوز ڈیسک)بحریہ ٹاوٗن کے سربراہ ملک ریاض نے میری ماں کا قتل کیا ہے اور میں بدلہ ضرور لوں گا۔
پاکستان پیپلز پارٹی کے شریک چئیرمین اور سابق صدر مملکت آصف علی ذرداری سے بچپن سے دوستی تھی جس کی میں نے انتہا کی اور اب صورت حال یہ ہے کہ مجھ سے زیادہ خطرناک دشمن ان کا کوئی نہیں۔

ایسا کہنا ہے پاکستان پیپلز پارٹی کے معطل رہنما اور جنوبی سندھ کے سابق وزیر داخلہ ذوالفقار مرزا کا جو ان دنوں برطانوی دارلحکومت لندم میں موجود ہیں۔

ایک انٹرویو میں انہوں نے کہا کہ میں نے بہت برداشت کرلیا ہے،ہر بات کو نظر انداز کرنے کی کوشش کی لیکن اب معاملہ حد سے گزر گیا ہے،واضح کردینا چاہتا ہوں کہ میں نے اپنی پالیسی تبدیل کرلی ہے،اب کوئی مجھے پنچ مارے گا تو میں اسے دو پنچ رسید کروں گا،مجھے’’ جیسا کو تیسا ‘‘ جواب دینے پر مجبور کردیا گیا ہے۔

ذولفقار مرزا نے مذید کہا کہ سندھ دھرتی میری ماں کی حیثیت رکھتی ہے اور بحریہ ٹاوٗن کے سربراہ ریاض ملک نے سندھ کی زمینوں پر قبضہ کر کے میری ماں کاقتل کیا ہے جس کا بدلہ میں ضرور لوں گا۔