کراچی (نیوز ڈیسک)اداکارہ و ماڈل نیلم منیر نے کہاہے کہ سرفراز احمد سے متعلق خیالات کو بڑھا چڑھاکر پیش کیاگیا۔
سوشل میڈیا پر اپنے پیج پر نیلم منیر نے لکھا کہ صرف سرفراز احمد کی تعریف کی تھی لیکن کچھ ویب سائٹس نے اسے کچھ اور ہی رنگ دے دیا۔ اداکارہ نے اپنے مداحوں سے سوال کیا کہ میں نے جو کچھ کہا کیا وہ غلط تھا؟

یادرہے کہ نجی ٹی وی چینل کے پروگرام میں ماڈل اور اداکارہ نیلم منیر کاکہناتھاکہ سچ مچ کی شادی تاحال نہیں ہوئی ،انڈسٹری میں بیشترادکاراﺅں نے شادی کرلی لیکن اگر کوئی اچھی لڑکی ہے تواُسے گھومنے پھرنے دیں ، کوئی مل جائے توکیا پتہ ، شادی کرلوں ۔

ایک سوال کے جواب میں نیلم حسین کاکہناتھاکہ چند پلیئرز کی وجہ سے کرکٹ دیکھتی ہوں ، بلکہ ایک ہی ہے ، سکرین پر چار پانچ کھلاڑیوں کو دیکھا، کون ہے وہ اس سوال کا جواب رہنے دیں ، لوگ پتہ نہیں کیا سمجھیں گے ، سب کو پتہ ہے کہ سرفراز اچھاہے اور وہ بھی اس کی تائید کرتی ہیں جس پر پروگرام کے میزبان عمرشریف کاکہناتھاکہ سرفراز کا اکاﺅٹ بھی کھل گیا، لڑکیاں پسند کرنے لگیں ، انڈیا نے بھی بہت چلایاکہ سرفرا ز کبھی دھوکہ نہیں دے گا جو آپ کے لئے اچھی بات ہے ۔

واضح رہے کہ کچھ بڑھا چڑھا کر پیش نہیں کیاگیا، نیلم منیر کے اپنے الفاظ خود ہی سن لیجئے تاہم اگر خبر پر اداکارہ یا اُن کے مداحوں میں سے کسی کی دل آزاری ہوئی تو ادارہ غیر مشروط طور پر معذرت خواہ ہے ۔