ہیملٹن  (نیوز ڈیسک) آئی سی سی ورلڈ کپ کے 37 ویں گروپ میچ میں بنگلا دیش نے نیوزی لینڈ کو جیت کے لئے 289 رنز کا ہدف دیا ہے۔ نیوزی لینڈ کے سیڈن پارک ہیملٹن میں کھیلے جا رہے میچ میں بنگال ٹائیگرز نے نیوزی لینڈ کے خلاف 50 اوورز میں 7 وکٹوں کے نقصان پر 288 رنز بنائے۔ بنگلا دیش کی جانب سے محمود اللہ نے ورلڈ کپ میں لگاتار دوسری سنچری اسکور کی اور وہ 120 رنز بنا کر ناٹ آؤٹ رہے۔ سومیا سرکار نے 51 جب کہ شبیر حسین نے 40 رنز کی اننگ کھیلی۔ نیوزی لینڈ کی جانب سے ٹرینٹ بولٹ اور کورے اینڈرسن نے 2،2 جب کہ ڈینیئل ویٹوری اور گرانٹ ایلیٹ نے ایک ایک کھلاڑی کو آؤٹ کیا۔